Jako ciekawostkę wstawiam jeden z wielu tekstów-skeczy, które można było obejrzeć i wysłuchać w trakcie Fasnachtu w Bazylei. Wszystko oczywiście w Baseldeutsch. Jeśli ktoś lubi zabawę z dialektami, to zapraszam do lektury:

Bitte nit kuschle, mir sinn Basler

Eb im Drämmli oder in der Baiz
elai hogge isch wichtig und het sy Raiz
Kumm jo niemerem z'noch an d'Wösch
I bi Basler und due nit kuschle, hösch!

D'Entwiggligg in unsere Zivilisatione
duet als wie meh Ainzelgänger klone
's ainzig was zellt isch's aige Gligg uf ärde
kunsch aim z'noch, hagletes Beschwärde

Fir's aige Inträsse duesch Ellebögle
oder an der Demo öffentligg pöble
d'Moral zellt nit, das macht jo nit weh
In der politigg kasch das öfters gseh

Bisch bi der FDP und wotsch in regierigsroot
Isch's Gäld wirgligg das, um was es goht
Meh Sicherhait verkindisch vor de Wahle
Jä wo, im Luschttämpel für die illegale?

Kuschle sette in däre Stadt au d'Bolizischte
und nätt sy zu de Delinquänte in der kischte
Sicherhait will me, aber nyt derf's koschte
und schliesst gly emool e näggschte Poschte

Hesch e rot oder grien aghuchti Logge?
Draisch am liebschte sälber gstriggti Sogge?
und findsch's Velofahre saumässig glatt?
denn wirsch politigger in unserer Stadt!

Denn derfsch go kuschle im e ne Zält
und dräume vonere vyl bessere Wält
mit Bäum und Wiise fir glai und gross
und ohne e baar Meter Zolfreistrooss

d'Staatsfinanze bringsch uf Vordermaa
blansch tolli Wohnige fir der rychi Maa
die Mehrynahme an Styre sinn nit fir d'Katz
die steggsch zem Byschbil in Rytimeyerplatz

Bi gwisse Managerleehn kunsch uf d'Wält
und wie die no grampfe mien fir das Gäld!
Si reschtruggtioniere, dien fusioniere
mir kuschle und dien nit opponiere

Dänggsch zerscht an Dy aige Arbetsblatz
und hoffsch Dy wäggluege isch nit fir d'Katz
Bugglisch der Rugge krumm, als wie meh
D'Familie hesch scho lang nimm gseh

In Bärn luegt au nur no jede fir sich ellai
und brinzlet e jedem andere fräch an's Bai
's Weertli Konkordanz wird ney ibersetzt
I ha im andere e Stai in's Gärtli gsetzt

Der Bush loht uf der ganze Wält lo foltere
us Bärn heersch fir aimool kai lut's poltere
you can fly over us, maint me so by the way
und kuschlet so richtig nätt mit der CIA

Im noche Oschte baschtle si mit em Neutron
ganz flyssig an der groosse Bombe mit Atom
die weschtligi Wält isch schuurig empeert
und verdient derby Gäldwo niemer steert

uf der ärde stygt der global Thermometer
me diskutiert das mit groossem Gezeter
im Zwyschemenschlige isch's nimm wyt
und mer stehn zmitt's inere Yyszyt

Mit meh kuschle wurd das Yys gly schmelze
Gfiehlsmässig wurdsch laufe wie uf Stelze
Meh zämme lääbe, meh mache mitenand
laider klappts scho nimm bi Stadt und Land

Mir hänn's satt, aifach so egoistisch z'lääbe
und wänn wiider mehr anenander glääbe
Wotsch au gliggligg sy und nit versuure
Denn kuschle mit uns dur d'Fasnacht duure

Pfluderi-Clique

Uff, przepisałam...
pozdrawiam
Chloee